2AM Realizations

Hola! Gising pa ako! Nawala na ata antok ko. Nalipasan ng antok kung meron mang ganon. Kakauwi ko lang from dinner with bossings and desert chika with college friends. Tapos konting check ng work emails dito at doon. Tapos konting surf sa multiply at friendster. Tapos, ayun. Di pa rin ako inaantok. Crap! Reunion pa naman ng angkan ng nanay ko bukas kaya kadiri 'to kung may eyebags ako.

Hmm...so anong pwedeng gawin para antukin? Wala naman ata. Tatanga lang ako hanggang sa antukin. Pero bago ako tumanga, gusto ko lang i-document ang mga realizations ko for the day.

REALIZATION NO.1 -- Ambait pala talaga ng mapapangasawa ko. Teka naman. Alam ko naman mabait na sya dati pero nakakatuwa lang na everyday napapaalala at nadidildil sa utak ko na mabait sya. At as in yung tunay na bait. Walang halong hidden agenda. DAH! Ano pa bang iha-hide nyang agenda, e magpapakasal na nga kami di ba? So ayun, natuwa lang ako. Ambait nya talaga. Haaaaay...swerte ko naman!

REALIZATION NO.2 -- Promoted na ako. Hindi ito realization pero gusto ko lang sabihin para lang ma-document. Di pa alam ng nanay ko. Malalaman din nya pag dumating na yung ref nyang bago na binili namin last week. Sasabihin ko na lang na yun na ang libre ko sa kanya. Crap! Ang mahal na libre!!! Sana pala nag-buffet na lang kami sa Shang-The Heat. Pero ok lang. Nanay ko naman yun. At utang na loob, kelangan na mag-retire ng ref naming ka-birth year ko pa. So ok na. Buti na lang promoted ako kaya may pambili ng ref. Wish ko na lang mataas increase.

REALIZATION NO.3 -- Gwapo naman pala ang mapapangasawa ko. Oo. Hindi talaga ako nagagwapuhan sa kanya nung una. Kahit nung pangalawa o pangatlo. And so on and so forth. Pero lately, nung na-reach na nya ang ideal weight nya, na-realize ko...'Aba! E gwaping naman pala.' Although (at ito ay isang malaking ALTHOUGH) hindi mala-'Aga Muhlach gwaping' as what he claims pero gwaping in his own way naman. So ayun, mabait na, gwaping pa. Tapos sobrang mahal pa ako! (Putek dapat lang naman di ba?) Haaaay...swerte ko naman!

REALIZATION NO.4 -- One of the best things sa buhay ko talaga ang mga college friends ko. Nagkita-kita kami kanina kasi dumating si Jeffer from Singapura. Ala lang. Ang saya. Parang ganon pa rin. Iba na nga lang kasi engaged na ako, si Pat official Wow Philippines 'tour guide' na, si Noel and Wins Globe na, at si Jeffer ay OFW sa Singapura. Pero bottomline, sila pa rin yung mga kaibigan ko for almost 8 years now. Wow. 8 years. Looking back, kung nakinig lang ako sa kanila talaga sa lahat ng mga payo nila, siguro hindi ako nagpakatanga sa mga exes ko non. Hahaha. Oh well, ok lang dahil meron namang realizations 1 & 3. :)

REALIZATION NO. 5 -- Kakaiba pala ang taste ko noon. Dahil sa realizations 1 & 3, na-derive ko na wala pala akong kwenta mamili ng lalake noon. Ok. So ayoko naman sobrang manlait kasi hindi naman ako Zhang Ziyi-ganda at hindi naman ako perfect at alam ko naman may topak din ako (ALTHOUGH mas malaki topak ng mga ex ko non) pero gusto ko lang magpakatotoo na wala nga ata akong standards at definite set of criteria sa pagpili ng boylet o bf noon. In short, antanga ko talaga noon. Ok. Antanga-tanga. To be fair, I'm sure naman na nag-evolve na sila. Well, sana naman kasi kahit nga unggoy nag-e-evolve to be human di ba? And I'm sure by now, may mga babaeng nabingwit na sila kung saan swak sila sa standards ng isa't isa. Pero kung alam ko lang dati ang alam ko na ngayon, marami akong oras, pera, effort, energy at makeup na nai-save. Pero again, since tatanga-tanga ako, nangyari na ang mga nangyari. Buti na lang may realizations 1 & 3. At buti na lang, may mga moments na 'Wow, ito pala ang dahilan kung ba't antanga ko dati! Ayuz, pwede na rin pala magpakatanga. Wag lang super sobra.' So ayun. Katangahan ended last April 24, 2007. Charing!!!

REALIZATION NO.6 -- Buti na lang di ako sobrang nagpakatanga. Kasi kung nasobrahan, baka di ako naka-UP. Baka ibang set of friends meron ako. Baka hindi ko nahiwalayan yung mga hindi pa nag-evolve na mga lalake sa buhay ko non. Baka hindi ko na-recognize na si Mark na pala. Baka hindi ako na-promote kasi wala naman sigurong nap0-promote na tatanga-tanga.

REALIZATION NO.7 -- Inaantok na ako. Nakaantok pala ang blog. I better shutdown this PC.

Good night.