So...Seminar Atbp

So ubos ang buong araw namin, and I mean buong araw from 830am-5pm sa Pre-Cana seminar sa Del Strada sa Katipunan. Shempre nalimutan kong tanong kung anong ibig sabihin ng Pre-Cana kanina. Basta um-attend lang ako. Ay, kami pala. E kasi required. Kasi hindi namin makukuha ang marriage license ng walang letter na nagpapatunay na um-attend kami ng seminar. So ayun. Hala! Attend! Kahit na gusto ko sana matulog ng buong Sabado para maiba naman.

So going back to the seminar, 2 parts yun. May morning session na parang Christian Living all over again. From 'Who is God?' to 'The Sacraments'. Ok sana syang review kung kinabukasan, ituturo ko sa mga kids yung term na transubstantiation pero dahil hindi, medyo na-bore ako. Panay tingin ko sa relo ni Mark kung 12 na ba. Kasi gusto ko na kumain ng Jollibee Chicken Joy sa Katipunan Petron. Can't wait to do the 'laman now, balat later!'

So fast forward. Natapos din ang morning sermon also known as breeze through Catechism 101 for me. We landed at Ineng's BBQ sa may Petron pa rin dahil sabi ni Mark, hindi pa raw kami nakakakain don. So go. Pero shempre dahil hindi ko kaya na hindi kumain ng LaPaz Batchoy soup sa Jollibee, bumili ako ron at dinala ko na lang sa Ineng's. Sarap! Perfect for walang humpay light drizzle all-day weather. Basa ang canvas sandals ko kakalakad from one restaurant to another pero ok lang. Katangahan naman ang mag-peep toe canvas sandals sa weather na 'to. At sulit kasi masarap naman ang BBQ at ang LaPaz Batchoy na maraming chicharon bits.

So PM session naman. Hala! Ang daming questionnaires. Topics on relationships, money, in-laws, religion, sex at family planning. Medyo old school yung nagturo na catechist-slash-obgyn-slash-mother of twins. Ok naman sya. Better than the morning tutor pero old school pa rin. Medyo light pa rin ang attack sa discussions. Gusto ko sana yung macha-challenge ako sa pagsagot but apparently, yung mga questions, napag-usapan na namin ni Mark at one point during our 15 months of being together. So I guess good sign din. Ibig sabihin, review lang 'to lahat para sa amin.

So after non, simba kami with mudra sa Holy Family ng 630pm na as usual late nagsimula at super haba ng homily. At dahil ganon din ang nangyari sa amin nung nagsimba kami ron the previous day for First Friday mass, ayaw na ata ni Mark magsimba ron sa susunod. Ako, as usual, dedma. Gusto ko na lang umuwi at kumain ng sinigang ng bangus sa bayabas na luto ni mudra. Yummm... After ng dinner sa bahay, Startbucks with TJ and his gf and Mark sa Greenhills at late dessert na white chocolate sa Chili's. Tapos ito, nagba-blog na ako kasi busog pa ako.

So, ayun. Hindi ko pa rin alam ang meaning ng Pre-Cana. Ok lang. Tapos na naman. At matutulog na lang ako. One off our list!